Tekstvak: Vastelaovundj gezet Hermeni-j de Kompeni-j         1984 - 2006 In 1982 es ut muzikale eike gelagdj vör diees Kepel. Nao twieë jaor de ieërste beginsele van de meziek gelieërd te hebben in de “klas” van Fried pakdje un aantal mezikanten zich in 1984 same als Hermeni-j de Kompeni-j. Ut doel waas meziek maake met de vastelaovundj en det doôn vae nog stieëds want unne vastelaovundj zonger meziek es geine Vastelaovundj. Boeëte ut vastelaovundjsezoeen zeen vae auch aktief. Naeve oeës waekelikse repetitie beej Louis en Wil van ut Blaakven trekke vae d’r regelmaotig op uut um festiviteiten in binnen en boeëteland op te loeëstere. Daonaeve hebben vae oeës jaorliks Kompeni-j-weekend . Kelberg, Klotte, Heimbach, Cochem, Altenahr, Pottum en Robertville zeen al verrastj met oeës muzikale klanken. In de aafgeloupe 22 jaor is de lôl in ut meziek maake d’r neet minder op gewaore en vae wille nog völ jaore doeërgaon . Um oeës jubileum nog wat mieër glâns te gaeve hebbe vae os auch in nów pekskes gestoeëke.  Dit jubileum wille vae neet stil vurbeej laote gaon en daorum op 29 jannewari un groeëts spektakel. Vör eine kieër zakke vae aaf van de Geuzendîek nao de Merrentj en waal beej Brasserie D’Oude Markt. Vae wille dan gaer met uch, vanaaf 15.00 oor, trökkiêke op 22 jaor Hermeni-j de Kompeni-j.   Wis de 29ste jannewari.                                                                                                                                                                                                               

HOME
LIEDJES
JUBILEUM
INFORMATIE
PROGRAMMA
FOTO'S
LINKS
HUMOR
GASTENBOEK